Antropolohiyang pampolitika

Ang antropolohiyang pampolitika (Ingles: political anthropology) ay isang disiplina ng pag-aaral na sumasakop sa kayariang pampolitika at panlipunan ng isang lipunan.^[1] Nakatuon ang larangang ito sa kayarian ng mga sistemang pampolitika, na tinatanaw magmula sa batayan ng kayarian ng mga lipunan. Itinuturing sina Charles-Louis de Secondat, Baron de Montesquieu at Alexis de Tocqueville bilang mga "amang tagapagtatag" ng antropolohiyang pampolitika.^[1] Kabilang sa mga kilalang antropologong pampolitika sina Pierre Clastres, E. E. Evans-Pritchard, Meyer Fortes, Georges Balandier, Fredrik Bailey, Jeremy Boissevain, Marc Abélès, Jocelyne Streiff-Fenart, Ted C. Lewellen, Robert L. Carneiro, John Borneman at Joan Vincent.