Henotipo

Ang henotipo o genotype ang komposisyong henetiko ng isang selula, organismo o indibidwal(i.e. ang spesipikong komposisyong allele ng indibidwal) na karaniwan may reperensiya sa isang spesipikong katangiang isinasaalang alang.^[1] Halimbawa ang gene na CTR ng tao na nagkokodigo ng isang protina na naghahatid ng mga ionong klorido sa buong mga membrano ng selula ay maaaring nananaig (A) bilang normal na bersiyon ng gene o resesibo (a) bilang mutadong bersiyon ng gene. Ang mga indibidwal na tumatanggap ng dalawang mga resesibong allele ay madadiagnos ng cystic fibrosis. Pangkalahatang tinatanggap na ang namanang henotipo na pinadala ng mga paktor na epihenetiko at mga hindi namamamanang bariasyong pangkapaligiran ay nag-aambag sa penotipo ng indibidwal. Ang mga hindi namamanang mutasyon ng DNA ay hindi klasikong nauunawaan bilang kumakatawan sa henotipo ng indibidwal. Kaya ang mga siyentipiko at doktor ay minsang nagsasalita tungkol sa (heno)type ng isang partikular na kanser na henotipo ng sakit bilang natatangi mula sa may sakit.