Goshogawara

Goshogawara 五所川原市
City
Goshogawara City Hall
Watawat Sagisag
Location of Goshogawara in Aomori Prefecture
Goshogawara
Mga koordinado: 40°48′28.9″N 140°26′24.3″E / 40.808028°N 140.440083°E / 40.808028; 140.440083
Country	Japan
Region	Tōhoku
Prefecture	Aomori
Pamahalaan
• Mayor	Masatoshi Hirayama
Lawak
• Kabuuan	404.18 km2 (156.05 milya kuwadrado)
Populasyon  (March 31, 2020)
• Kabuuan	53,576
• Kapal	130/km2 (340/milya kuwadrado)
Sona ng oras	UTC+9 (Japan Standard Time)
City symbols
• Tree	Japanese elm
• Flower	Nohanashōbu (iris ensata var. spontanea)
• Bird	Oriental greenfinch
Phone number	0173-35-2111
Address	12 Iwakichō, Goshogawara-shi, Aomori-ken 037-8686
Websayt	Opisyal na websayt

Ang Goshogawara (五所川原市, Goshogawara-shi) ay isang lungsod sa Prepektura ng Aomori, Hapon. Magmula noong 31 Marso 2020 (2020 -03-31)^[update], tinatayang may 53,576 katao ang lungsod sa 25,568 mga kabahayan,^[1] at may kapal na 130 tao sa bawat kilometro kuwadrado. Ang kabuoang lawak ng lungsod ay 404.18 square kilometre (156.05 mi kuw).

Sinasakop ng Goshogawara ang dalawang hindi magkarugtong na mga lugar sa Tangway ng Tsugaru sa kanlurang bahagi ng Prepektura ng Aomori. Dumadaloy ang Ilog Iwaki sa lungsod. Napapalibutan ng lupa ang mas-malaking bahagi, at ito ay nasa gitna ng tangway. Naririto ang orihinal na bayan ng Goshogawara, at sentro ito ng populasyon ng lungsod. Ang mas maliit na exclave sa hilaga ay nasa baybayin ng Dagat Hapon . Ilang mga bahagi ng lungsod ay nasa loob ng mga hangganan ng Tsugaru Quasi-National Park.

Ayon sa datos ng senso ng Hapon,^[2] bumaba nang bahagya ang Goshogawara sa nakalipas na 40 mga taon.

Naging bahagi ng angkan ng Tsugaru ng Dominyo ng Hirosaki ang lugar ng Goshogawara noong panahon ng Edo . Kalakip ng pagtatag ng makabagong sistema ng mga munisipalidad kasunod ng pagpapanumbalik ng Meiji noong Abril 1, 1889, ang lugar ay naging bahagi ng Distrito ng Kitatsugaru, Aomori at nahati sa mga nayon ng Goshogawara, Sakae, Miyoshi, Nakagawa, Nagahashi, Nanawa, Matsushima at Itayanagi noong Abril 1. Noong Hulyo 1, 1898, itinaas sa katayuang bayan ang Goshogawara. Noong Oktubre 1, 1954, sinanib ng Goshogawara ang mga nayon ng Sakae, Nakagawa, Nagahashi, Matsushima at Iizume upang maging lungsod ng Goshogawara. Noong Abril 1, 1958, kinuha ng Goshogawara ang isang bahagi ng bayan ng Kizukuri.

Noong Marso 28, 2005, sinanib sa Goshogawara ang bayan ng Kanagi at ang nayon ng Shiura.

Pinaghalo ang ekonomiya ng Goshogawara. Nagsisilbing sentrong pangkomersiyo sa rehiyon ang lungsod. Kasama sa mga produktong pang-agrikultura ang bigas at mansanas, at kasali sa komersiyal na pangingisda ang halaan. Matatagpuan sa lungsod ang Aomori Technopolis High-Tech Industrial Park.^[3]

• Museo ng Tachineputa - ang Goshogawara ay tanyag sa kanilang Pista ng Tachineputa na idinaraos mula Agosto 4 hanggang 8 taun-taon. Ang mga karosang tachineputa ay mas-mataas sa mga katumbas nito sa Aomori at Hirosaki, na umaabot sa 23 metro ang taas.^[4]
• Mueong Pang-ala-ala ng Osamu Dazai
• Lawa ng Jūsan
• Pambansang Prepektural na Liwasan ng Ashino Chishōgun
• Sityong Hurnuhan ng Palaypok ng Goshogawara Sue, isang Pambansang Makasaysayan na Sityo^[5]
• Sityo ng Sannobō, isang Pambansang Makasaysayan na Sityo^[6]
• Mga guho ng Tosaminato, isang Pambansang Makasaysayan na Sityo^[7]

• Opisyal na website (sa Hapones)